Vencellos
Márta Mészáros
Quero proxectar este filme

Edit, de orixe campesiña, está casada cun importante político ao que non ama. Queda repentinamente viúva cando este falece nun accidente. Levando unha vida solitaria e rodeada de falsos amigos aos que detesta, decide abandonar a súa luxosa situación e comezar de novo. Mais o seu fillo István, coa mesma actitude autoritaria do seu pai, non está disposto a que a súa nai rompa as aparencias e avergoñe á súa familia. Manda á súa moza Kati a pasar o verán con ela na súa casa do lago Balaton para vixiala. A rapaza comeza a dubidar da súa relación co mozo.
Unha protagonista inusual na obra de Mészáros, que habitualmente retrata o día a día de mulleres traballadoras. Esta burguesa está prisioneira da súa propia familia polo rol de muller de ben que lle é asignado. A pesar de ansiar a liberdade, este condicionamento, non só físico (por estar encerrada na súa propia casa), senón sobre todo mental, non llo permite. A fita pode lerse como un estudio das relacións de poder desiguais entre o estado (a profesión do marido non é casual) e os seus súbditos, pero sobre todo denuncia o control das mulleres por parte desas mesmas institucións (políticas e familiares) gobernadas por homes.
Premios
Cannes 1969 Quincena dos realizadoresFicha técnica
- Título orixinal:
- Holdudvar
- Ano:
- 1969
- Duración:
- 86 minutos
- Formato:
- branco e negro
2.35:1, restauración en 2K supervisada polo director de fotografía János Kende - País:
- Hungría
- Idioma orixinal:
- Húngaro
- Produción:
- Mafilm Studio 1
Ficha artística
- Dirección:
- Márta Mészáros
- Guión:
- Márta Mészáros
- Fotografía:
- János Kende
- Música:
- Levente Szörényi, János Bródy
- Elenco:
- Mari Törőcsik, Kati Kovács, Lajos Balázsovits, Gáspár Jancsó, Ági Mészáros, Mari Szemes, István Avar, Gyöngyi Bürös, Rudolf Somogyvári
- Montaxe:
- Zoltán Farkas
- Son:
- György Pintér
- Deseño de produción:
- Tamás Banovich
- Vestiario:
- Erzsébet Újhegyi