La primera mirada

Entre as ruínas da posguerra española e en medio duna ditadura, creouse unha escola de cinema que se convirteu nun espazo de liberdade e experimentación para a creación fílmica. O soño durou pouco tempo, mais serviu para cambiar radicalmente a historia do cinema español. As prácticas dos seus alumnos permítennos explorar as primeiras imaxes rodadas por unha extraordinaria colección de cineastas que marcarían ás novas xeracións de espectadores e directores: Juan Antonio Bardem, Luis García Berlanga, Carlos Saura, Víctor Erice, Basilio Martín Patino, Manuel Summers, Pedro Olea, Antonio Mercero, José Luis Borau... Os seus primeiros fotogramas serven para comprender mellor as súas orixes e traxectorias posteriores, e tamén para examinar o proceso de modernización dun país cuxos cidadáns aínda intentaban superar os seus traumas colectivos.